काठमाडौं– विपद्का बेला नागरिकहरुलाई स्वच्छ पानी उपलब्ध गराउने गरी पोखराको २ ठाउँमा डिप बोरिङ (ट्युवेल) निर्माण गरिएको छ । ३ ठाउँमा अझै ट्युवेल निर्माण गर्ने काम जारी रहेको छ ।

नेपालस्थित अमेरिकी दूतावासको सहयोगीमा ती ट्युवल निर्माण भएका हुन् ।

पोखराको लामापाटनस्थित सशस्त्र प्रहरी बल नेपाल तालिम महाविद्यालय र सशस्त्र प्रहरीकै कालिका बाहिनीमा निर्माण गरिएका २ ट्युवलेको उद्घाटन समेत भइसकेको छ ।

अमेरिकी दूतावासको इन्डोप्याकम अग्मेन्टेशन टिमका सदस्यहरूले एक कार्यक्रमका बीच सोमबार ती २ ट्युवेल उद्घाटन गरी सशस्त्र प्रहरी बललाई हस्तान्तरण गरेका छन् ।

निर्माणाधीन अवस्थामा रहेका बाँकी ३ ट्युवेलको निर्माण कार्य पनि कात्तिकसम्ममा सम्पन्न हुने जनाइएको छ ।