काठमाडौं- भारतले अमेरिकी सामानमा थप कर लगाउने घोषणा गरेपछि अमेरिकाले आपत्ति जनाएको छ ।

अमेरिकी राष्ट्रपति डोनाल्ड ट्रम्पले भारतले अमेरिकी सामानमा कर वृद्धि गरेको विषय आफूलाई असह्य भएको उल्लेख गरेका छन् । उनले सामाजिक सञ्जाल ट्वीटरबाट अमेरिकी सामानमा थप कर लगाउने विषय आफूहरुलाई मान्य नहुने भन्दै भारतको यस्तो कर नीति अमेरिकाले नमान्ने चेतावनी दिएका छन् ।

उनले यस विषयमा भारतीय प्रधानमन्त्री नरेन्द्र मोदीसँग कुरा गर्ने र बढी लिने भनिएको कर फिर्ता लिन लगाउने उल्लेख गरेका छन् । अमेरिकी राष्ट्रपति ट्रम्पले विगतमा पनि भारतले अमेरिकी सामानको कर बढि लिएको उल्लेख गरेका छन् ।

भारतको कर नीति र ट्रम्पको सार्वजनिक अभिव्यक्तिले दुई देशबीचको सम्बन्ध थप पेचिलो हुने देखिएको विज्ञहरुको अनुमान छ ।

हेर्नुहोस ट्रम्पको ट्वीट

I look forward to speaking with Prime Minister Modi about the fact that India, for years having put very high Tariffs against the United States, just recently increased the Tariffs even further. This is unacceptable and the Tariffs must be withdrawn!

— Donald J. Trump (@realDonaldTrump) June 27, 2019