काठमाडौं– रियालिटी डान्स सो बुगीवुगी कि विजेता कविता नेपाली पछिल्लो समय निकै चर्चामा छिन् । बुगीवुगीको विजेता बनेसँगै उनी विभिन्न म्यूजिक भिडियोमा व्यस्त बन्दै आएकी छिन् ।
हालै कविताको अभिनयमा रहेको नयाँ म्यूजिक भिडियो सार्वजनिक भएको छ । ममता राई ‘यात्री’ को शब्दमा गायिका मिलन नेवारको आवाजमा रहेको ‘सातै रंङ्गी’ गीतको म्यूजिक भिडियोमा उनले अभिनय गरेकी हुन् । पवल चाम्लिङ राईको संगीतमा तयार यस गीतलाई उनि आफैले एरेञ्ज पनि गरेका हुन् ।
म्यूजिक भिडियोमा कवितालाई शम्भूराज राई, मनिष लिम्बु, सिम्रन पुन, नुमा राई, केहरसिंह लिम्बु, निरुषा राई, नेहारा तामाङ र करुणा राईले साथ दिएका छन् ।
प्रतिक्रिया