काठमाडौं– माध्यामिक शिक्षा परीक्षा (एसईई) को नतिजा आज प्रकाशित हुने भएको छ । नतिजा प्रकाशनको निर्णय गर्न दिउँसो बोर्ड बैठक बोलाइएको छ ।

परीक्षा नियन्त्रक विष्णुप्रसाद अधिकारीले परीक्षा सार्वजनिक गर्न आज बोर्ड बैठक बोलाइएको जानकारी दिएका हुन् । बैठकले निर्णय गरेपछि नतिजा सार्वजनिक हुनेछ ।  प्रदेश २ मा प्रश्नपत्र बाहिरिएपछि पुनः परीक्षा लिनु परेका कारण यस वर्षको परीक्षाफल पर्काशित गर्न ढिलाई भएको हो । अघिल्ला वर्षहरुमा जेठ मसान्त वा असार पहिलो साताभित्रै नतिजा प्रकाशित हुने गरेको थियो ।

२०७५ सालको एसईई परीक्षा गत चैत १० गतेबाट शुरु भएको थियो । संघीय संरचनाअनुसार पहिलो पटक भएको परीक्षामा देशभरबाट ४ लाख ७५ हजारभन्दा बढी परीक्षार्थी सहभागी भएका थिए । जसमध्ये दुई लाख ३६ हजार ४ सय ४५ छात्र र २ लाख ३८ हजार ५ सय ५८ छात्रा परीक्षार्थी छन् ।

नतिजा प्रकाशन भएपछि १६०० मा डायल गरेर आफ्नाे नतिजा थाहा पाउन सकिने छ । त्यसका साथै एसएमएसबाट नतिजा थाहा पाउन सकिने छ । जसका लागि see<space>Symbol No. and send it to 1600 गर्नुपर्ने छ । मार्कसिटसहित नतिजा हेर्नका लागि यो लिंक क्लिक गर्नुहोस-

यहाँ क्लिक गरेर एसईईको नतिजा हेर्नुस्