भद्रपुर– झापाको भद्रपुरस्थित व्यवसायिक तथा शीप विकास तालिम केन्द्रका नायब सुब्बा राजकुमार धिमाल घुस रकमसहित पक्राउ परेका छन् ।
तालिम कार्यक्रम सञ्चालन गरेबापत रकम भुक्तानी गर्नका लागि सेवाग्राहीसँग लिएको ३५ हजार घुससहित नायव सुब्बा धिमाल पक्राउ परेका हुन् ।
अख्तियार दुरुपयोग अनुसन्धान आयोगको इटहरीस्थित कार्यालयबाट खटिएको टोलीले धिमाललाई घुस लिइसकेको अवस्थामा कार्यालय परिसरबाटै पक्राउ गरेको हो ।
उक्त घुस प्रकरणमा संलग्न रहेको भन्दै अख्तियारले कार्यालयका शाखा अधिकृत सुमिन्द्र मण्डललाई समेत पक्राउ गरेको छ ।
पक्राउ परेका दुवै जनामाथि थप अनुसन्धान भइरहेको अख्तियारले जनाएको छ ।
प्रतिक्रिया