काठमाडौं– यतिबेला विश्वकप क्रिकेटले सबैको ध्यान तानिरहेको छ । १२ औं संस्करणको एकदिवसीय क्रिकेट विश्वकपको उद्घाटन खेलमा आयोजक इङ्ग्ल्यान्ड र दक्षिण अफ्रिकाबीचको खेल भएर शुरु हुँदैछ ।

विश्वकप क्रिकेटको माहोल बढिरहेका बेला अन्तर्राष्ट्रिय क्रिकेट परिषद् आईसीसीले पनि विभिन्न खेलाडीको चर्चा गर्दै आफ्नो अनलाइन साइटमा फिचर लेख्न थालेको छ ।

आईसीसीले पाकिस्तानका युवा खेलाडी शदाब खानबारे चर्चा गर्दै उनको बलिङ क्षमताले पाकिस्तानलाई बलियो रुपमा उपस्थित गर्ने उल्लेख गरेको छ ।

लेग स्पिनर शदाबले भनेका छन्– जति प्रभावकारी ब्याटिङ हुन्छ त्यति नै महत्वपूर्ण खेलमा बलिङ पनि हुन्छ ।

एउटा राम्रो क्षमता भएको लेग स्पिनर, सधै अब्बल ठहरिन्छ । जहाँ उसले ब्याट्सम्यानलाई मुर्ख पनि बनाउन सक्छ जसले उसलाई अन्तर्राष्ट्रिय निश्चित ओभरका खेलमा राम्रो गर्न उक्साइ रहन्छ ।

उनीहरुको क्षमताले नै इनिङलाई मल्टिपल स्टेजमा लैजान सघाउँछ, जसमा उनीहरुले ब्याट््सम्यानहरुलाई अझै फरक शैली अपनाउन बाध्य पार्छन् र २ नयाँ बल फाल्दै स्पिनरहरुले ब्याट्सम्यानमाथि दबाब सिर्जना गर्न सक्छन् ।

विश्वकप क्रिकेटमा प्रभावकारी बलिङ गर्न सक्ने एक स्पिनर हुन्, पाकिस्तानका शदाब खान । २० वर्षे युवा खेलाडी इङ्ग्ल्यान्ड र वेल्समा हुने विश्वकपमा उत्कृष्ट प्रदर्शन गर्न सक्ने खेलाडीका रुपमा हेरिएका छन् ।

खानले अहिलेसम्म खेलेका ३४ खेलमा ४७ विकेट लिइ सकेका छन् । फरक शैलीले ब्याट्सम्यान सामू प्रस्तुत हुने खान पछिल्लो समय पाकिस्तानी टोलीका प्रभावशाली युवा खेलाडी हुन् ।

अहिले उनीसँगै इङ्ग्ल्यान्डका अदिल राशिद पनि आक्रामक रुपमा विश्वकपमा सहभागी हुन तयार रहेको आईसीसीले उल्लेख गरेको छ ।

यी दुई खेलाडीमध्ये यो विश्वकपमा कसले धेरै विकेट लेलान् र उनीहरु यसअघिका स्पिनरभन्दा प्रभावकारी हुन सक्छन् ? शदाबका लागि यो प्रश्न ‘निकै जटिल’ छ । ‘किनकी रिस्ट स्पिनर जहाँसुकै स्पिन गर्न सक्छन्,’ शदाब भन्छन्, ‘यदि त्यहाँ स्पिनर छ भने खेल्न निकै अफ्ठ्यारो हुन्छ । यदि तपाईंले राम्रो एरियामा बलिङ गर्नुभयो यो निकै कठिन हुन्छ । जस्तोसुकै परिस्थितीमा पनि । त्यसैले पनि यो आवश्यक छ । लेग स्पिनरसँग त झनै । हो तपाईं रन बनेको देख्न सक्नु हुन्छ । तर, उ विकेट टेकर हो । तपाई सधै विकेट लिएको हेर्न चहानुहुन्छ । त्यसैले हामी सधैं खेलमा हुन्छौं ।’

शदाबका अनुसार बलरलाई सधै ६ भन्दा बढीको रन रेट्सले पिरोल्ने गर्छ । बलिङ समूहमा राम्रो रन नियन्त्रण गर्ने काम दिइएको हुन्छ । रन नियन्त्रण गर्न असम्भव प्राय छ । तर, विकेट लिन सक्दा केही म्यानेज हुन्छ ।

‘यो निकै महत्वपूर्ण भूमिका हो,’ शदाबले भने, ‘यदि ब्याटिङमैत्री पिच भएको खण्डमा ३ सय रन हुनसक्छ । त्यसैले यदि तपाईंले मध्यम ओभरमा विकेट लिन सक्नु भयो भने तपाईंका लागि खेल जित्ने राम्रो अवसर हो । त्यो ब्याटिङको अवस्थामा हामीले विकेट लिन सक्नु पर्छ । त्यसो हुन नसके ३ सय ५० को हाराहारीमा रन पुग्छ । त्यसैले यदि तपाईंले मध्य ओभरमा विकेट लिन सक्नु भयो भने ३ सय भन्दा कम रहनमा रोक्न सक्नु हुन्छ । यदि त्यसो गर्न सके राम्रो हो ।’

विश्वकप प्रतियोगितामा अफगानिस्तानका राशिद खान र शदाबमा को प्रभावशाली ? भन्ने पनि यकिन हुने उल्लेख गरिएको छ । पाकिस्तानी स्टारका लागि यसअघिको इङ्ग्ल्यान्डसँगको ५ खेलको एकदिवसीय अन्तर्राष्ट्रिय शृङ्खला गुमाएका थिए, जसको कारण थियो विराम ।

जब उनी फर्किए, उनी मैदानमा फ्रेस देखिएका थिए । जसमा उनले अफगानिस्तानविरुद्धको विश्वकप वार्म अप खेलमा १० ओभर पूरा बलिङ गर्दै आफू विश्वकपका लागि तयार रहेको संकेत दिएका छन् ।
‘अहिले म आनन्द महसूस गरीरहेको छु,’ शदाबले भने, ‘म अहिले निकै राम्रो रिदममा छु । मैले एक–दुई दिन अभ्यास गरेको थिए र अफगानिस्तानविरुद्ध राम्रो बलिङ गर्न सके ।’