काठमाडौं– बैतडी, तनहु र बर्दियाका विभिन्न स्थानमा शंकास्पद बस्तु फेला परेका छन् । बैतडीको दोगडाकेदार गाउँपालिकामा आज (सोमबार) बिहान शंकास्पद वस्तु फेला परेको छ ।

वडा नम्बर ३ को श्रीकोटस्थित सनातन धर्म मावि नजिकै महाकाली राजमार्गमा शंकास्पद वस्तु भेटिएको प्रहरीले जनाएको छ।

प्लाष्टिकको दुई पोका तार जोडिएको र इनामेलका २ वडा डिब्वा रातो कपडाले बेरिएको अवस्थामा ती वस्तु राखिएको बैतडीका प्रहरी प्रवक्ता प्रहरी निरीक्षक रवीन्द्र चन्दले जानकारी दिए ।

त्यस्तै तनहुँमा दुई स्थानमा शंकास्पद वस्तु फेला परेको छ । पृथ्वीराजमार्गमा पर्ने बन्दीपुर १ नाहला र व्यास नगरपालिकको मुसीखोला भन्ने स्थानमा शंकास्पद वस्तु फेला परेको हो ।

नाहला राखिएको शंकास्पद वस्तु भने नेपाली सेनाको टोलीले डिस्पोज गरेको प्रहरी उपरीक्षक विनोद सिलवालले बताए । नेपाली सेनाको टोलीले मुसीखोलामा राखिएको शंकास्पद वस्तु डिस्पोज गर्ने तयारी गरिरहेको छ ।

यसैगरी महोत्तरीको बर्दिवास नगरपालिकाको मुल गेटमा शंकास्पद वस्तु फेला परेको छ ।

कागजको कार्टुन भित्र प्रेसर कुकर र तारहरु भेटिएकाले त्यो बम भएको हुन सक्ने अनुमान गरिएको छ ।

डिस्पोजका लागि सेनाको बम डिस्पोजल टोलीलाई बोलाइएको प्रहरी नावय उपरीक्षक निशान खड्काले बताए ।