काठमाडौं– विप्लव समूले आह्वान गरेको नेपाल बन्दका कारण देशभरको जनजीवन प्रभावित भएको छ ।

पार्टी कार्यकर्ता प्रहरीको गोली लागि आफ्ना कार्यकर्ता तीर्थराज घिमिरेको हत्या भएको भन्दै विप्लव समूहले आज बन्दको आह्वान गरेको छ ।
काठमाडौं उपत्यकामा बन्दको असर खासै नपरे पनि उपत्यका बाहिर भने बन्दको प्रभाव परेको छ ।

काठमाडौंबाट बाहिरिने र भित्रने सावरी चल्न सकेको छैन । भने उपत्यकामा पनि विहान भाडाका सवारी कम मात्र चलेका छैन् ।

देशका विभिन्न स्थानमा विहानै देखि संकास्पद बस्तुहरु फेला परेको छ । धादिङमा रहेको राजमार्गको विभिन्न स्थानमा विहाननै बम फेला परेको थियो । बम फेला परेसँगै सेनाको टोलीले बम डिस्पोज गरेको छ ।

मोरङको सुन्दर हैरैचा ७ ठडिया चोक नजिक शंकास्पद बस्तुफेला परेको छ । जसलाई डिस्पोज गर्न सेनाको टोली त्यसतर्फ जाँदै छ ।

आइतबार(हिजा) अपराह्नदेखि राजधानीका घट्टेकुलो, सुकेधारा थानकोटमा बम विस्फोट भएको थियो जसमा चार जनाको मृत्यु भएको थियो ।

त्यस्तै ललितपुरको लगनखेल, सानेपा, ग्वार्को लगायतका स्थानमा बम फेला परेको थियो । जसका कारण उपत्यकाको जनजीवन आतंकित बनेको छ ।