काठमाडौं– खुलामञ्च अतिक्रमण गरी निर्माण गरिएका सटरमा महानगरपालिकाले डोजर चलाएको छ ।  अवैध रुपमा निर्माण गरिएका ४० वटा सटरमाथि शनिवार महानगरले डोजर चलाएको हो ।

खुलामञ्च अतिक्रमण गरी सटर निर्माण गरिएको भन्दै व्यापक विरोध भएपछि काठमाडौं महानगरपालिकाले डोजर चलाउने निर्णय गरेको थियो ।

महानगरपालिका र ठेकेदार मनोजकुमार भेटवालको स्वच्छन्द विल्डर्सको मिलेमतोमा खुल्लामञ्च ठेक्का दिएको समाचारहरु बाहिरिएपछि भएपछि चौतर्फी विरोध भएको थियो ।

महानगरपालिकाले सडट भत्काउन शुरु गरेसँगै खुल्लामञ्चमा रहेका पसलेहरु सामान संकल गर्न थालेका थिए ।

कतिपय पसलेहरुले भने पर्याप्त सूचना विना नै महानगरले डोजर चलाएको भन्दै आक्रोश पोखिरहेका थिए ।

डोजर चलाउने भएसँगै खुल्लामञ्चमा व्यापक मात्रामा प्रहरी परिचालन गरिएको थियो । सर्वसाधारणलाई भित्र प्रवेश गर्न दिइएको थिएन ।

महानगरले डोजर चलाउँदा कसैले अवरोध गरेका थिएइनन् । बरु पसलेहरु आफ्नो समान संकलनका लागि लागेका थिए । शनिवार भएका कारण केही पसलहरु बन्द थिए । उनीहरुको सटर भत्किएपछि सामानहरु यताउति छरिएको अवस्थामा रहेका छन् ।