काठमाडौं– प्रधानमन्त्री केपी शर्मा ओलीको स्वास्थ्यअवस्था सुधारउन्मुख रहेको अस्पतालले जनाएको छ ।

मंगलबार एपेन्डिसाइटिसको शल्यक्रियापछि भेन्टिलेटरमा राखिएका प्रधानमन्त्री ओलीको स्वास्थ्यमा क्रमिक रुपमा सुधार भइरहेको  मनमोहन कार्डियोथोरासिक भास्कुलर तथा ट्रान्सप्लान्ट सेन्टरले जनाएको छ ।

प्रधामन्त्रीको स्वास्थ्यमा सुधार आएसँगै भेटिन्टलेटर हटाइएको छ । उनी अहिले आइसियुमै उपचारत छन् । प्रधानमन्त्री ओली उपचारमा संलग्न चिकित्सकसँग कुरा गर्न सक्ने भएका छन् ।

“प्रधानमन्त्री ओलीको स्वास्थ्यमा समस्या आई मिति २०७६ मंसिर १० गते मंगलबार विहान यस सेन्टरमा आउनुभएको र विशेषज्ञ चिकित्सकहरुबाट शल्यक्रिया पश्चात हाल सघन उपचारको  सम्पूर्ण व्यवस्थासहित निरन्तर निगरानीमा राखिएको छ ।’ अस्पतालले साढे १० बजे जारी गरेको विज्ञप्तिमा भनिएको छ ।

सम्माननीयज्यूको स्वास्थ्यमा निरन्तर र सुधार भइरहेको र उहाँ अहिले राम्रोसँग कुराकानी गर्न सक्ने अवस्थामा भएको व्यहोरा अस्पतालले जानकारी गराएको छ ।