काठमाडौं– महानगरीय प्रहरी परिसर काठमाडौंले ३१ जना सडक बालबालिकाको उद्दार गरेर पुनस्र्थापना केन्द्रमा पठाएको छ ।

‘समुदाय प्रहरी साझेदारी’ कार्यक्रमअन्तर्गत प्रहरीले काठमाडौंको गौशाला र ठमेल क्षेत्रबाट सडक बालबालिकाहरुको उद्दार गरेको हो ।

विभिन्न कारणले घर परिवारबाट बिछोडिएर सडकमा पुगेका बालबालिकालाई उद्दार गरेर पुनस्र्थापना केन्द्रमा पठाइएको महानगरीय प्रहरी परिसर काठमाडौंका प्रवक्ता डिएसपी होविन्द्र बोगटीले जानकारी दिए ।

‘विभिन्न कारणले घरपरिवारबाट छुट्टिएका बालबालिकाहरु सडकमा आएर जोखिमपूर्ण जीवन जिउन बाध्य छन्,’ डिएसपी बोगटीले भने, ‘यस्ता बालबालिकाहरु विभिन्न प्रकारका लागू औषधको सेवन गर्ने तथा दुव्र्यसनीमा फस्ने खतरा हुन्छ । त्यसैले प्रहरीले उनीहरुलाई उद्दार गरेर पुनस्र्थापना केन्द्रमा पठाएको हो ।’

बालबालिका खोजतलास केन्द्रसँगको समन्वयमा प्रहरीले सडक बालबालिकाको उद्दार गरी पुनस्र्थापना केन्द्र पठाउन थालेको हो । बालबालिकाको उद्दार कार्यमा सोभर रिकभरी नामक पुनस्र्थापना केन्द्रको समेत सहयोग रहेको प्रहरीले जनाएको छ ।

सडकबाट उठाइएका ३१ जना बालबालिकालाई काठमाडौंको जोरपाटीस्थित सोभर रिकभरी सेन्टरमा पठाइएको डिएसपी बोगटीले जानकारी दिए ।

यी हुन् प्रहरीले उद्दार गरी पुनस्र्थापना केन्द्रमा पठाएका बालबालिका,