काठमाडौं – चन्द्रविनायक फिल्म प्रोडक्सनको ब्यानरमा निर्माण भएको फिल्म ‘साइनो’ को गीत सार्वजनिक गरिएको छ । राजधानीमा मंगलवार कार्यक्रमको आयोजना गर्दै फिल्मको गीत सार्वजनिक गरिएको हो ।

उक्त गीतमा मेलिना राई र प्रताप दासको अभिनय छ भने बसन्त सापकोटाको संगीत छ । यस्तै गीतमा उदयराज पौडेलको एरेन्ज र चेतन कार्कीको स्वर सुन्न सकिन्छ ।

रामजी लामिछानेले कोरियोग्राफी गरेको गीतको भिडियोमा राजकुमार, मिरुना मगर लगायतले कम्मर मर्काएका छन् । फिल्ममा राज र मिरुनासँगै नीता ढुंगाना, भुवन चन्द चन्द थापा, बसुन्धरा भुसाल, मदनदास श्रेष्ठ, रोयदीप श्रेष्ठ लगायतका नयाँ तथा पुराना पुस्ताका कलाकारले अभिनय गरेका छन् ।

वान नेपाल एक्सन टिमले एक्सन निर्देशन गरेको यो फिल्म अर्को वर्षको जेठ १० गतेबाट रिलिज हुँदैछ । फिल्मलाई अभिमन्यु निरवीले लेखेका हुन् भने रमेश आचार्यले निर्देशन गरेका हुन् । यस्तै फिल्ममा लगानी भुवन चन्द थापाको छ भने शरण थापा सह–निर्माता छन् ।

भिडियो: