मुम्बई – बलिउड अभिनेता सलमान खान र अभिनेत्री प्रियंका चोपडा सन् २००४ मा मुझसे शादी करोगीमा एकसाथ देखिएका थिए । अहिले खबर आएको छ कि, यतिबेला फेरि सलमान र प्रियंका सञ्जय लीला भन्सालीको फिल्ममा एकसाथ देखिने सम्भावना छ ।

यता भारतका चर्चित निर्देशक सञ्जय लीला भन्सालीले फिल्म ‘पद्मावत्’ नयाँ प्रोजेक्टमा काम गर्न थालेका छन् । उनको यो प्रोजेक्टमा सलमान खान फाइनल भइसकेका छन् ।

यही फिल्मका माध्यमबाट सलमान र भन्सालीले झण्डै १९ वर्षपछि एकसाथ काम गर्न लागेका छन् ।

सोही फिल्ममा सलमान खानको अपोजिटमा प्रियंका हुने भनेर समाचार आइरहेका छन् । यद्यपि यसको औपचारिक जानकारी भने दिइएको छ ।

यसअघि सलमान र प्रियंकाको सम्बन्ध राम्रो थिएन भनेर भनेर पनि भन्ने गरिएको थियो । फिल्म ‘भारत’ का दौरान चिसिएको सम्बन्धमा सुधार आइसकेको छ ।