काठमाडौं – चलचित्र ‘रातो टीका निधारमा’ को बुकिङ खुला गरिएको छ । भोलि शुक्रबार अर्थात् असोज १० गतेदेखि प्रदर्शनमा आउने यो फिल्मको राजधानीका मल्टिप्लेक्स हलहरुमा बूकिङ खुला गरिएको हो ।
अकिंत खड्का र साम्राज्ञी राज्यलक्ष्मीको शीर्ष भूमिका रहेको यो फिल्ममा नीता ढुंगाना, शिवहरि पौडेल, बुद्धि तामाङ, बसुन्धरा भुसाल, लक्ष्मी गिरी, रविन्द्र झा लगायतका कलाकारको समेत अभिनय रहेको छ । सामाजिक कमेडी फिल्म भनिएको यो फिल्मलाई अशोक शर्माले निर्देशन गरेका हुन् । फिल्ममा कथा लेखन पनि उनकै छ ।
झण्डै २ घण्टा लामो यो फिल्ममा कमेडीका साथै रातो टीकाको महत्त्व र दशैँको रमझमलाई पनि देख्न सकिनेछ ।
प्रतिक्रिया