काठमाडौं– पत्रकार शालिकराम पुडासैनी प्रकरणमा पक्राउ परेकी नर्स अस्मिता भनिने रुकु कार्की बिना धरौटीमा रिहा भएकी छिन्।

जिल्ला अदालत चितवनका न्यायधीश हेमन्त रावलको इजलासले कार्कीलाई बिना धरौटीमा छाड्ने आदेश दिएको हो। उनलाई सामान्य तारिकमा रिहा हुने आदेश दिएको हो।

न्युज २४ टेलिभिजनका कार्यक्रम प्रस्तोता रवि लामिछानेले ५ लाख, पत्रकार युवराज कँडेलसँग भने ३ लाख नगद धरौटी बुझाए पनि अस्मिता भने धरौटीविना नै छुटेकी हुन् ।

जिल्ला सरकारी वकिलको कार्यालय चितवनले मुलुकी फौजदारी संहिताको दफा १८५ अनुसार आत्म-हत्या गर्न दुरु-त्साहन गरेको भन्दै लामिछाने, कँडेल र कार्कीलाई विपक्षी बनाउँदै आ-त्मह-त्या दुरुत्साहनको मुद्दा जिल्ला अदालत चितवनमा दायर गरेको थियो।