काठमाडौं- सुरक्षित भविष्यको लागि यूवाले चाल्नुपर्ने उचित कदमलाई शिक्षा प्रदायक संस्था प्लाटाेनिक एजुकेशन सर्भिसले शुक्रबार राजधानीमा करिअर टक कार्यक्रमको आयोजना गरेको छ ।

कार्यक्रममा व्यबस्थापन संकायमा +2 सकेका विद्यार्थीलाई लक्षित गर्दै कार्यक्रमको आयोजना गरिएको हो । करियरसँग सम्बन्धित रहेर बैंक तथा वित्तिय संस्था, पर्यटन, सूचना तथा संचार प्रविधि (IT) का साथै प्रेरणात्मक तथा आत्मविश्वास कसरी मजवुद बनाउँदै अघि धढ्ने भन्ने विषयमा कार्यक्रमका वक्ताहरुले भनाइ राखेका थिए ।

कार्यक्रममा ज्याेति विकास बैंकका प्रमुख कार्यकारी अधिकृत (CEO) मनाेज ज्ञावलीले व्यवस्थापन संकायका विभिन्न क्षेत्रकाे जानकारी दिनुका साथै आत्मविस्वास र मेहनत गरेकाे खण्डमा उद्देश्य प्राप्त गर्न सकिने दृष्टान्त प्रस्तुत गरेका थिए ।

यस्तै नेपाल टुरिजम बाेर्डका बरिष्ठ व्यबस्थापक सुनिल शर्माले टुरिजममा भविष्य खाेज्न चाहने यूवाका लागि प्रशस्त अवसर रहेकाे बताए । नेपालकाे सकरात्मक पक्षलाई आत्मसाथ गरी सामाजिक सञ्जालमा सकृय रहेर नेपाललाई विश्वसामु चिनाउन सम्पूर्ण यूवाहरुलाई उत्प्रेरित गरे ।

कार्यक्रममा यूवा हास्य कलाकार सुजन जिम्वा, नेपाली जादुगर महादेव त्रिपाठीका साथै विभिन्न यूवा कलाकारहरुकाे उत्कृष्ट प्रस्तुति रहेकाे थियाे ।

राजधानीका विभिन्न कलेज साथै संघ संस्थाकाे सहभागितामा आयाेजित कार्यक्रममा प्लाटाेनिक एजुकेशनका प्रबन्ध निर्देशक (CEO) अजय महतले साे कार्यक्रम यूवाहरुले आफ्नाे भविष्य निर्धारण गर्न र सकारात्मक साेचका साथ अगाडि बढ्न प्रभावभारी रहेकाे बताए ।

कार्यक्रममा व्यवस्थापन संकायमा +2 सकेका विद्यार्थीहरुको सहभागिता रहेको थियो ।