काठमाडौं – आईसीसी टी–२० विश्वकप क्रिकेट एसिया छनोटको फाइनलमा तेस्रो हार व्येहोरेसँगै कतार ग्लोबल क्वालिफायर पुग्ने लक्ष्यबाट टाढिएको छ ।

शुक्रबार भएको खेलमा कुवेतसँग पराजित भएको कतारले ३ खेलबाट २ अंक जोडे पनि उसको यात्रा एसियाली छनोटमै सिमित भएको हो ।

पहिलो खेलमा सिंगापुरसंग पराजित भएको कतारले दोस्रो खेलमा नेपाललाई हराएको थियो । कुबेतले दिएको १ सय ९८ रनको लक्ष्यसहित ब्याटिङमा उत्रिएको कतारले निर्धारित २० ओभरमा पुरा खेल्दै ५ विकेट गुमाएर १ सय ८७ रन मात्र बनाउन सकेपछि कुबेत १० रनले विजयी भएको हो ।

कतारका कप्तान तामोर साजजादले नटआउट ४६, नौमन सरवारले ३४ तथा ईनाम उल हकले २८ रन बनाएपनि टोलीको जितमा पर्याप्त भएन् । फैसल जाभेदले २४ र महम्मद तानचीरले १६ रन बनाए ।

कुबेतका सिराज खान र जान्दु हामोउदले समान २ तथा महम्मद अस्लमले एक विकेट लिए । यसअघि सिंगापुरको ईण्डियन एसोसिएसनको खेल मैदानमा टस जितेको कतारले फिल्डिङ रोजेपछि ब्याटिङमा उत्रिएको कुबेतले निर्धारित ओभरमा ७ विकेट गुमाएर १ सय ९७ रनको उच्च योगफल तयार पारेको थियो ।

अदनान ईद्रेसले सर्बाधिक ५६ रन बनाएको कुबेतका लागि कप्तान महम्मद कासिफले ४३ र मेट भाभसारले ३५ रनको योगदान गरे । उस्मान वाहिद २८ रनमा अबिजित रहे ।

कतारका ईकवाल हुसैन र नौमन सरवारले समान २ तथा ईनाम उल हक र महम्मद नादिमले समान एक विकेट हात पारे । कुबेतको ३ खेलबाट ३ अंक भएको छ । यस्तै पराजित कुवेतले भाेली नेपालसंग प्रतिस्पर्धा गर्नेछ ।