नयाँ दिल्ली– अमेरिकी विदेशमन्त्री माइक पम्पेओ भारत भ्रमणमा निस्केका छन् । विदेशमन्त्री पम्पेओ मंगलबार राति भारत आइपुगेका हुन् ।

पम्पेओले भारत भ्रमणका भ्रमणका क्रममा भारतीय प्रधानमन्त्री नरेन्द्र मोदी, आफ्ना भारतीय समकक्षी एस जयशंकरलगायतसँग भेटवार्ता गरेका छन् । भेटवार्ताका क्रममा दुई मुलुकका विदेशमन्त्रीबीच द्विपक्षीय रणनीतिक सम्बन्ध, प्रतिआतंकवाद, मध्यपूर्वमा जारी तनाव लगायतका विषयमा छलफल भएको बताइएको छ ।

जापानको ओसाकामा हुने जी २० को सम्मेलनमा भारतीय प्रधानमन्त्री नरेन्द्र मोदीले अमेरिकी राष्ट्रपति डोनाल्ड ट्रम्पसँग भेटवार्ता गर्नुअघि नै अमेरिकी विदेशमन्त्री भारत भ्रमणमा निस्केका हुन् ।

पछिल्लो समय भारत र अमेरिकाबीच व्यापारका विषयलाई लिएर सम्बन्ध चिसिरहेका बेला अमेरिकी विदेशमन्त्रीको भारत भ्रमणलाई निकै महत्त्वका साथ हेरिएको छ ।