काठमाडौं- बुद्धको सुनको मूर्ति भन्दै सर्वसाधारणलाई ठगी गर्ने चार जनालाई प्रहरीले पक्राउ गरेको छ ।

महानगरिय प्रहरी बृत्त बलाजुले बुद्धको सुनको मूर्ति भन्दै ठगी गर्ने गिरोहलाई पक्राउ गरेको हो । गोर्खा दरबारको आठ किलोको बुद्धको सुनको मूर्ति भन्दै साठी लाखमा बार्गेनिङ गरिहरेका चार जनालाई बालाजु बृत्तले पक्राउ गरी नियन्त्रणमा लिएको हो ।

प्रहरीको विषेश टोलीले गोर्खा दरबारको आठ किलोको बुद्धको सुनको मूर्ति भन्दै बार्गेनिङ गरिहरेका चार जनालाई नियन्त्रणमा लिएको महानगरिय प्रहरी परिसर काठमाडौंका प्रहरी प्रमुख उत्तम सुवेदीले बताए । यो गिरोहको संलग्नता कताकता छ भनेर थप अनुसन्धान गरिरहेको पनि सुवेदीले बताए ।

पक्राउ पर्नेमा रामेछाप मन्थलीका बसन्त श्रेष्ठ, बर्दिबास ८, महोत्तरीका अनिल बानियाँ, भिमेश्वर १ दोलखाका रामराज सिबाकोटी र माज्कोट–२ तनहुँका मीन बहादुर कुँवर छन् ।