काठमाडौं– काठमाडौंका विभिन्न स्थानमा विस्फोट भएसँगै सुरक्षा संयन्त्र कडा पारिएको छ । प्रहरीले कोटेश्वरको नरेफाँटबाट ७ जना विप्लव नेतृत्वको नेकपाका कार्यकर्तालाई पक्राउ गरेको छ ।

गस्तीमा रहेको सशस्त्र प्रहरी बलको टोलीले ४ वटा प्रेसर कुकर उनीहरुलाई पक्राउ गरेको हो। उनीहरुको साथबाट ३ झोला पार्टीको पर्चा, मसाल जुलुसका लागि बनाइएका मसाल र लाठीहरु पनि बरामद गरेको छ । सशस्त्र प्रहरी बलका प्रवक्ता डीआईजी सुरज श्रेष्ठका अनुसार पक्राउ पर्नेहरुमा डम्बरबहादुर तामाङ, चित्रकमल वली, राकेश श्रेष्ठ, तेजबहादुर मोक्तान, तेजराज काफ्ले लगायत छन् ।

आइतबार दिउँसो राजधानीको सुकेधारा, अनामनगर र चन्द्रागिरी नगरपालिकामा बम विष्फोट भएको हो । विष्फोटमा ३ जनाको मृत्यु भएको छ भने ६ जना घाइते छन् । विस्फोट विप्लव नेतृत्वको नेकपाले गराएको प्रहरीको भनाइ छ । सवै ठाउँमा भएको विस्फोटको प्रकृति एउटै प्रकारको रहेको प्रहरीले जनाएको छ ।