काठमाडौं– राजधानीको सुकेधारमा ग्यास सिलिण्डर विस्फोट हुँदा ६ जना घाइते भएका छन् ।
घाइतेमध्ये २ जनाको अवस्था गम्भीर रहेको जनाइएको छ ।
महानगरीय प्रहरी परिसर काठमाडौंका अनुसार बुढानिलकण्ठ नगरपालिका–४ ढलाने पुल नजिक एक सैलुन पसलमा ग्यास सिलिण्डर विस्फोट भएको हो ।
घाइते भएकामध्ये ५ जनाको चावहिलस्थित ओम अस्पतालमा उपचार भइरहेको छ ।
१ जनाको भने त्रिवि शिक्षण अस्पताल महाराजगञ्जमा उपचार भइरहेको महानगरीय प्रहरी परिसर काठमाडौंका प्रवक्ता डिएसपी होविन्द्र बोगटीले जानकारी दिए ।
यस्तै अनामनगरमा पनि ग्यास सिलिन्डर विस्फोट भएको छ । क्षतिको विवरण आउँदै छ ।
प्रतिक्रिया