जाजरकोट – स्वास्थ्य सेवा विभागले जाजरकोटमा कार्यरत स्वास्थ्यकर्मीलाई काज वा बिदामा नबस्न निर्देशन दिएको छ । वर्षा शुरु हुने समयमा जाजरकोटमा झाडापखाला, स्वाइनफ्लु जस्ता रोगकोको महामारी हुनसक्ने भएकाले रोगको माहामारी आउन नदिन यसवर्ष स्वास्थ्यकर्मीलाई बिदामा नबस्न निर्देशन दिएको हो ।

जाजरकोटामा झाडापखाला र स्वाइनफ्लुबाट २ सय ५० भर्ना बढीको मृत्यु भइसकेको भन्दै विभागले रोगको माहामारीमा समयमै स्वास्थ्यमर्कीलाई सचेत गराएको जाजरकोटका प्रमूख जिल्ला अधिकारी ललितकुमार बस्नेतले बताए ।

२०६६ सालमा जाजरकोटका केही दुर्गम गाउँमा देखिएको झाडापखालाका कारण ५० हजार मानिस प्रभावित भए भने १५३ को मृत्यु भएको थियो । यस्तै २०७१ साल चैत र २०७२ वैशाखमा पुनः जाजरकोटमै सिजनलफ्लुबाट २७ को मृत्यु भयो । २०७४ साल माघमा जिल्लाको जुनीचाँदेमा फैलिएको रुघाखोकीबाट १२ को मृत्यु भयो । सयौँ बिरामी परे ।

जाजरकोटमा एक जिल्ला अस्पताल, तीन प्राथमिक स्वास्थ्य केन्द्र र ३१ स्वास्थ्य केन्द्र छन् । भौगोलिक रूपमा निकै विकट रहेको जाजरकोटमा ७७ वडा छन् । सरकारले एक वडा एक स्वास्थ्य संस्था बनाउने नीतिगत निर्णय गरिसकेको भए पनि यहाँ ३५ स्वास्थ्य संस्था छन् भने बाँकी ४२ वडा स्वास्थ्य संस्थाबिहीन छन् ।