काठमाडौं– नेपाली सेनाले सङ्गठनको छवि नै धमिल्याउने गरी हुने लापरवाहीलाई क्षमा नदिइने भन्दै सैनिक सदाचारमा रही होसियारीपूर्वक जिम्मेवारी सम्हाल्न सकल दर्जालाई निर्देशन दिएको छ ।

सैनिक मुख्यालय जङ्गी अड्डामा ‘सैनिक सदाचारको उत्साह’ भन्ने मूल ‘भावना’सहित आयोजित आचारसंहिता सप्ताह समापन समारोहमा निमित्त बलाधिकृत रथी शरदकुमार गिरीले विकृति, विसङ्गति वा संस्थागत मूल्य मान्यता र नैतिकतासँग नसुहाउने खाले क्रियाकलाप क्षमा नदिइने बताए । उ पु¥याउनेछ ।”

उत्कृष्ट सैनिक अनुशासन र आचरणसहितको सैनिक चरित्र विकास गर्न सेनाले हरेक वर्षको पहिलो महीनाको पहिलो साता सप्ताह व्यापीरुपमा आचारसंहिता सञ्चालन गर्ने निर्णय गरेको हो । संस्थाका मूल्यमान्यता, सिद्धान्त र आदर्शभित्र रही सेनाले गर्नुपर्ने, गर्न हुने र गर्न नहुने विषयमा सप्ताहका क्रममा सकल दर्जालाई प्रशिक्षण दिने गरिन्छ ।

नेपाली संस्कृति, पहिचान र भौगोलिक अवस्थिति बुझेका कारण विश्वका प्राचीन थोरै स्वतन्त्र मुलुकको सूचीमा नेपाललाई राख्न सफल हुनु गौरव हो भन्दै सेनाले अकल्पनीय सङ्कटको अवस्थामा अदम्य साहस, बफादारीको भावनाबाट कमाएको ख्यातिलाई जोगाउन सदाचार र सैनिक अनुशासनमा रहन आवश्यक रहेको सेनाको भनाइ रहेको छ ।