एजेन्सी– विश्वकप क्रिकेट शुरु हुन एक महिनामात्रै बाँकी हुँदा दक्षिण अफ्रिकाका तीव्र गतिका बलर डाले स्टेन्ली सोल्जर इन्जुरीको समस्यामा परेका छन् ।

दक्षिण अफ्रिकाको विश्वकप टोलीमा अटाएका उनको दाहिने हातको सोल्जरमा चोट लागेपछि इन्डियन प्रिमियर लिग (आईपीएल) बीचमै छाडेर दक्षिण अफ्रिका फर्किएका छन् ।

आईपीएलमा रोयल च्यालेन्जर्स बैंग्लोरमा रहेका उनी चेन्नई सुपर किङ्सविरुद्धको खेलमा चोट लागेको थियो ।

दक्षिण अफ्रिकाका लागि टेष्ट क्रिकेटमा सर्वाधिक विकेट लिने खलाडी डाले भारतबाट दक्षिण अफ्रिका फर्किसकेका छन् । स्वदेश फर्किएसँगै उनी आईपीएल खेल्ने छैनन् । उनले दक्षिण अफ्रिकाका सोल्जर विशेषज्ञसँग उपचार शुरु गरिसकेका छन् ।

उपचारमा संलग्न डाक्टरले उनलाई मे १९ मा टोली इग्ल्यान्डका लागि निस्किनु अगाडि उनी फिट हुने बताएका छन् । दक्षिण अफ्रिकाले आफ्नो पहिलो खेल मे ३० मा आयोजक इग्ल्यान्डमा खेल्नेछ ।