काठमाडौं– गत वैशाख १ गते काठमाडौंको झ्याप्लेखोलामा तेलको ट्याङ्करबाट बरामद भएको १ सय ६० किलो गाँजा तस्करी गर्ने व्यक्ति झन्डै १ वर्षपछि पक्राउ परेका छन् ।

पक्राउ पर्नेमा मकवानपुरको कैलाश गाउँपालिका–८ का मिनबहादुर लोप्चन भनिने मेलबहादुर लोप्चन छन् ।

प्रहरीको लागू औषध नियन्त्रण ब्यूरोले गत वैशाख १ गते काठमाडौंमा तेल झारेर भारततर्फ गइरहेको तेल बोक्ने ट्याङ्करबाट १ सय ६० किलो गाँजाको चिप्पडसहित २ जनालाई पक्राउ गरेको थियो ।

पक्राउ परेका २ जनामध्ये लोप्चन प्रहरीलाई झुक्याएर भाग्न सफल भएका थिए । प्रहरीलाई झुक्याएर भागेका लोप्चनलाई झन्डै १ वर्षपछि मकवानपुर प्रहरीको सहयोगमा नियन्त्रणमा लिइएको लागू औषध नियन्त्रण ब्यूरोले जनाएको छ ।