काठमाडौं – सहिद स्मारक ‘ए’ डिभिजन लिग फुटबलमा संकटा क्लब र जावलाखेल युथ क्लबले एक-एक गोलको बराबरी खेल्दै अंक बाँडेका छन् ।
त्रिपुरेश्वरस्थित दशरथ रंगशालामा भएको खेलमा १–१ गोलको बराबरी खेल्दै अंक बाँडेका हुन् ।
खेलको ३७ औं मिनेटमा लक्ष्मण रुचालले गोल गर्दै संकटालाई अग्रता दिलाएपनि त्यसलाई जोगान नसक्दा संकटाले एक अंकमै चित्त बुझाउनु परेको हो ।
खेलको ७२ औं मिनेटमा ड्याडी जुनियरले गोल गर्दै जावलाखेललाई खेलमा फर्काए । हरि कठायतको फ्रिकिकलाई उनले हेड गर्दै बललाई जाली चुमाएका थिए ।
बराबरीसँगै संकटाले ३ खेलमा ४ अंक जोडेको छ । संकटा लिगको सातौं स्थानमा रहेको छ । जावलाखेलले ३ खेलमा ५ अंक जोडेको छ । जावलाखेल लिगको तेस्रो स्थानमा रहेको छ ।
प्रतिक्रिया