काठमाडौं – हलमा व्यावसायिक रुपमा खासै कमाल गर्न नसकेको दीपेन्द्र लामा निर्देशित फिल्म ‘गोपी’ रिलिजको ३ दिनमा युट्युबको नेपाल ट्रेन्डिङमा पहिलो नम्बरमा परेको छ ।

यो समाचार तयार पार्दासम्म १२ लाखभन्दा बढीले फिल्म हेरेका छन् । धेरैले फिल्म मन परेको पनि प्रतिक्रिया दिएका छन् ।

विपिन कार्की, सुरक्षा पन्त, वर्षा राउत, भोला सापकोटा, अंकित खड्का, प्रकाश घिमिरे लगायतका कलाकारको शीर्ष भूमिका रहेको यो फिल्म एक गाई पाल्ने किसानको कथामा आधारित छ ।

फिल्ममा विपिन कार्कीको केन्द्रीय भूमिका छ । नेपालमा कृषि क्षेत्रमा देखिएका समस्या पनि फिल्मको माध्यमबाट देखाइएको छ ।

दीपेन्द्र लामाकै कथा रहेको यो फिल्मलाई सामीप्यराज तिमल्सेनाले स्किृप्टमा ढालेका हुन् भने शैलेन्द्र डी. कार्कीले खिचेका हुन् ।

आरोही केसीले निर्माण गरेको फिल्ममा श्रीधर पौडेल सह–निर्माता छन् ।