एजेन्सी- युभेन्ट्स सिरि ए लिगको शीर्ष स्थानमा उक्लिएको छ । ब्रेशियालाई २–१ गोल अन्तरले पराजित गर्दै युभेन्ट्स तालिकाको शीर्ष स्थानमा उक्लिएको हो ।
खेलको चौथो मिनेटमै गोल गर्दै घरेलु टोली ब्रेशियाले अग्रता लिएको भए पनि जित निकाल्न सकेन ।
जोन चान्सलरले ४० औ मिनेटमा आत्मघाती गोल गरेपछि युभेन्ट्स १-१ को बराबरीमा पुगेको थियो । मिरलेम पेनामिकले ६३ औ मिनेटमा गोल गर्दै युभेन्ट्सको जित सुनिश्चित गरे ।
युभेन्ट्सका स्टार क्रिस्टियानो रोनाल्डो चोटका कारण मैदानमा उत्रिएका थिएनन् । युभेन्ट्सले ५ खेलबाट १३ अंक जोड्दै तालिकामा शीर्ष स्थान बनाएको छ । ब्रेशिया ६ अंक जोड्दै तालिकाको १२ औ स्थानमा छ ।
प्रतिक्रिया