काठमाडौं– शताब्दी पुरुष सत्यमोहन जोशी महेन्द्रनारायण निधि राष्ट्रिय पुरस्कारबाट सम्मानित भएका छन् । महेन्द्रनारायण निधिको ९७ औं जन्मजयन्तीका अवसरमा महेन्द्रनारायण निधि प्रतिष्ठानद्वारा आयोजना गरिएको क्रार्यक्रममा नगद ५५ हजार ५०० रुपैयाँसहित संस्कृतिविद् जोशी सम्मान गरिएको हो ।

राष्ट्रपति कार्यालय शितल निवासमा आयोजना गरिएको कार्यक्रममा राष्ट्रपति विद्यादेवी भण्डारीले संस्कृतिविद् जोशीलाई नगद पुरस्कार प्रदान गरेकी हुन् ।

यसैबीच, प्रधानमन्त्री केपी शर्मा ओलीले नाट्य विधाका लागि छुट्टै बजेटको व्यवस्था गर्ने घोषणा गरेका छन् । प्रधानमन्त्री ओलीले नाट्य विधाको उत्थानलाई योजनावद्ध ढंगले अघि बढाउन नाटकका लेखक तथा नाट्यकर्मीहरुलाई अझै उत्साहका साथ अघि बढन पनि आग्रह गरे ।

प्रधानमन्त्री ओलीले नेपालमा नाटकको भविष्य राम्रो रहेको उल्लेख गर्दै त्यसको उत्थानमा भने जनस्तरबाटै प्रयास हुनुपर्ने जरुरी रहेको तर्क गरे । कार्यक्रममा प्रधानमन्त्री ओलीले संस्कृतिविद् सत्यमोहन जोशीलगायत नेपालको नाट्य विधामा योगदान पुर्याएकाहरुलाई सम्मान गरेका थिए ।