एजेन्सी-अमेरिकी राष्ट्रपति डोनल्ड ट्रम्पले चीनबाट आउने सामानमा लगाउने अतिरिक्त भन्सार शुल्क तत्कालै नलगाउने घोषणा गरेका छन्।

अमेरिका र चीनबीचको व्यापार वार्ता फलदायी भइरहेको भन्दै राष्ट्रपति ट्रम्पले थप सामानमाथीको अतिरिक्त भन्सार बढाउने निर्णय तत्कालका लागि लागू नगर्ने बताएका हुन।

सामाजिक सञ्जाल ट्वीटरमार्फत ट्रम्पले चीनसँगको व्यापार वार्तामा प्रगति भइरहेको उल्लेख गरेका छन् । उनले बौद्धिक सम्पती, प्रविधिलगायत विषयका वार्तामा प्रगति भइरहेकोले अतिरिक्त भन्सार शुल्कमा ढिलाई गरिएको जनाएका छन्।

हेर्नुहोस् अमेरिकी राष्ट्रपति डोनल्ड ट्रम्पको ट्‌वीट

I am pleased to report that the U.S. has made substantial progress in our trade talks with China on important structural issues including intellectual property protection, technology transfer, agriculture, services, currency, and many other issues. As a result of these very……

— Donald J. Trump (@realDonaldTrump) February 24, 2019

हाल १० प्रतिशत चिनियाँ समानहरुमा लगाइएको अतिरिक्त भन्सार शुल्क २५ प्रतिशतमा पुर्‍याउने अमेरिकी योजनालाई चिनियाँ प्रतिनिधिहरुसँगको वार्तापछि स्थगित गरिएको हो।