काठमाडौं–आयातित विषादीमध्ये ८५ प्रतिशत तरकारीमा प्रयोग हुने गरेको पाइएको अन्नपूर्ण पोस्टमा खबर छ । नेपालमा वार्षिक ६ सय ३५ टन कीटनाशक विषादी आयात हुने गरेको छ । जसमध्ये प्रतिहेक्टर बालीनालीमा ३ सय ९६ ग्राम विषादी प्रयोग हुने गरेको छ । तरकारीमा मात्र प्रतिहेक्टर १ किलो ६ सय ५ ग्रामका दरले विषादी प्रयोग हुने गरेको छ । १२ प्रतिशत खाद्यसामग्रीमा प्रतिबन्धित विषादी प्रयोग गरेको पाइएको छ ।

दाइजोले लियो ज्यान शीर्षकको समाचारमा केटा पक्षले मागेको दाइजो परिवारले दिन सक्ने अवस्था नदेखेपछि पर्सामा एक किशोरीले आत्महत्या गरेकी छन् । १८ वर्षकी लालसा कुमारीले आत्महत्या गरेकी छन् । विवाहमा केटापक्षले मागेको दाइजो व्यवस्थापन गर्न सक्ने अवस्था नआएपछि उनले आत्महत्या गरेको हुनसक्ने छिमेकीले बताएका छन् ।

त्यस्तै ठूला दलमा किचलो नेकपामा लम्बेतान एकता, कांग्रेसको विधान बहुमतले पारितलगायतका समाचार मुख्य रुपमा छापिएका छन् ।