काठमाडौं – सर्जियो अग्युरोको दुई गोलको मद्दतमा म्यान्चेस्टर सिटीले इंग्लिस प्रिमियर लिगमा आफ्नो दोस्रो जित हात पारेको छ ।

आइतबार राति भएको एएफसी बर्नमाउथविरुद्धको खेलमा ३–१ को जीत हात पारेको सिटीले अंक तालिकामा ४ अंक जोड्न सफल भएको हो ।

बर्नमाउथविरुद्ध बलियो देखिएको सिटीका लागि खेलको १५ औं मिनेटमा अग्युरोले गोल गर्दै टिमलाई शूरुवाती अग्रता दिलाएका थिए । त्यस्तै, सिटीका लागि रहिम स्टर्लिङले खेलको ४३ औं मिनेटमा गोल गर्दै टिमलाई दोहोरो अग्रता दिलाए भने सिटीविरुद्ध बर्नमाउथका खेलाडी ह्यारी विलियमसनले पहिलो हाफको इन्जुरी समयमा गोल गरेका थिए ।

पहिलो हाफ २–१ ले सकिएको खेलमा सिटीका लागि अग्युरोले खेलको ६४ औं मिनेटमा गोल गर्दै टिमका लागि तेस्रो तथा व्यक्तिगत दोस्रो गोल गरे ।

३१ वर्षीय अग्युरोले आफ्नो करियरको चार सयौं गोल पूरा गरेका छन् । उनले बर्नमाउथविरुद्ध १० यार्डको दूरीबाट गोल गरेका थिए ।