प्रविधिको विकास भएसँगै मानिसहरु कानमा इयरफोन राखेर लगातार गीत, रेडियो वा अन्‍य म्यूजिक वा फिल्‍म हेरि–सुनिरहेका हुन्छन्।

यति मात्रै नभएर आफू निदाएको अवस्थामा पनि उसले कानमा इयरफोन लगाएरै सुत्नेगरेको समेत पाइन्छ ।

बजारमा धेरै प्रकारका इयरफोनहरु आइरहेका हुन्छन् । कुनै निक्‍कै कमसल प्रकारको हुन्छ जसले मानिसको शरीरलाई तुरुन्‍तै असर पार्दछ । यसले दिनप्रतिदिन मानिसलाई बिरामी बनाउँदै जैलान्छ। धेरै इयरफोनको प्रयोग गर्नाले सुन्‍ने क्षमतामा ह्रास आउँछ । साथै क्‍यान्सर हुने खतरा देखिन्छ ।

मानिसको शरीरमा ४० देखि ५० प्रतिशत श्रवण शक्ति कम सुन्‍ने हुन्छ। यसका साथै टाढाको आवाज सुन्‍न कठिनाइ हुन्छ। यसले मानिसलाई चाडैं नै बहिरो बनाउन सक्छ।

लामो समयसम्‍म कानमा इयरफोन प्रयोग गर्नाले कान सुनिने समस्या हुन्छ। साथै कानको सुन्‍ने कोषहरु ड्‍यामेज हुन सक्छ भने श्रवण शक्ति विस्तारै कमजोर हुन सक्छ ।

इयरफोनमा जमेको धुँवा धुलोले इन्फेक्शन हुन सक्ने अवस्था समेत आउँछ । इयरफोनको अधिक प्रयोगले दिमागमा समेत असर गर्न सक्छ । यसले दिमागमा रहेको स्नायू प्रणालीमा समेत हानी गर्न सक्छ। अन्तिममा क्‍यान्सर वा हृदय रोग पनि हुनसक्छ ।