काठमाडौं – पूर्व मिस नेपाल शृङ्खला खतिवडा यतिबेला फ्रान्स भ्रमणमा छिन् । उनी नेपाल र फ्रान्सबीचको मैत्री सम्बन्धको अवसर पारेर त्यहाँ पुगेकी हुन् ।

शृङ्खलाले भ्रमणको मौका पारेर पश्चिम युरोपको सबैभन्दा ठूलो हिमाल मोन्ट ब्लाङको आरोहण गरेकी छिन् । उनले हिमाल चढेर नेपालको झण्डासमेत फहराएकी छिन् । शृङ्खलाले सामाजिक सञ्जालमा इन्स्टाग्राममा एक पोस्ट शेयर गर्दै नेपालीमाझ खुशी समेत व्यक्त गरेकी छिन् ।

भ्रमण वर्ष २०२० लाई सफल पार्न निरन्तर रुपमा खटिएकी शृङ्खलाले भ्रमण वर्ष सफल पार्न आफ्नो ठाउँबाट सबैले सहयोग गर्न अपील समेत गरेकी छिन् ।

झण्डै डेढ महिनाको युरोप भ्रमणमा रहेकी शृङ्खलाले सफलतापूर्वक हिमाल चढेर नेपाल र फ्रान्सको झण्डा फहराएकी थिइन् । सफलतापूर्वक हिमाल चढेको भन्दै दूतावासले बधाई समेत दिएको छ ।