गुल्मी– गुल्मीको सत्यवती गाउँपालिका वडा नम्बर ३ को ठूलो लुम्पेक र वडा नम्बर ४ लिम्घामा गएको पहिरोमा परि ज्यान गुमाउनेको संख्या १३ पुगेको छ ।

पहिरोमा परि तीन दिन देखि बेपत्ताको शव नेपाली सेनाले बुधबार फेला पारेसँगै मृतकको संख्या १३ पुगेको हो ।

वडा नम्वर ४ को लिम्घामा पहिरोमा बेपत्ता भएका ७ बर्षिया तारा बिक र डेढ बर्षीय बालक सञ्जु विक , वडा नं ३ को ठुलोलुम्पेकमा ३४ बर्षिया माया बिक उनका १४ बर्षिय छोरा बबि बिकको शव फेला परेको थियो ।

सोमबार वडा नम्वर ३ र ४ मा गरि ९ जना जनाको शव फेला परेको थियो भने ४ जना बेपत्ता थिए ।

लिम्घामा मंगलबार निर्मला विक, पम्फा विक, अञ्जली विक, हिमान्सु विक, छली विक र सिवानी विक तथा ठूलोलुम्पेकमा तिल कुमारी तरामु मगर र उनका छोरा दर्शन तरामु मगर तथा दुर्गा बहादुर सिंजालीको शव फेला परेको थियो ।

पहिरोका कारण ६ सय परिवार घरबारविहीन भएका छन् ।