काठमाडौं- मनसुनको सक्रियतासँगै लगातार परेको पानी अब केही कम हुने देखिएको छ । जल तथा मौसम पूर्वानुमान महाशाखाका अनुसार मनसुनको न्यून चापिय रेखा नेपालको तराई भू-भाग भन्दा अझ दक्षिण तिर सर्ने देखिएकाले मनसुनी गतिविधि कम हुँदै जाने अनुमान गरिएको हो ।

आज पनि पूर्वी पहाड तथा तराईका जिल्लामा पानी परिरहेको छ । न्यून चापिय रेखा तराई भूभागभन्दा माथि रहेकाले देशका पश्चिम तराईका एक दुई स्थानमा भारी वर्षाको सम्भावना रहेको मौसमविद वरुण पौडेलले बताए । भारी वर्षाको सम्भावना भएका क्षेत्रका खोलाहरुमा जल सतह बढ्न सक्ने भएकोले नदि वरपरका क्षेत्र, नहर तीर सामान्य सतर्कता अपनाउन अनुरोध गरिएको छ ।

महाशाखाले जारी गरेको ३ दिने मौसमी अवस्था यस्तो छ:
साउन ९ गते (बिहीबार)
दिउँसो: देशभर सामान्य बदली रही देशका केही स्थानहरुमा वर्षा हुनेछ। देशको पश्चिम तराईका तथा पूर्वका एक वा दुई स्थानहरुमा भारीको सम्भावना रहेको छ ।
राति: देशभर सामान्य बदली रही केही स्थानहरुमा वर्षा हुनेछ । देशको पश्चिम तराईका एक वा दुई स्थानहरुमा भारी वर्षाको सम्भावना रहेको छ ।

साउन १० गते (शुक्रबार)
दिउँसो: देशभर सामान्य बदली रही देशका केही स्थानहरुमा वर्षा हुनेछ। देशको पश्चिम भेगका एक वा दुई स्थानहरुमा भारीको सम्भावना रहेको छ ।
राति: देशभर सामान्य बदली रहि केही स्थानहरुमा वर्षा हुनेछ।देशको पश्चिम तराईका एक वा दुई स्थानहरुमा भारीको सम्भावना छ ।

साउन ११ गते (शनिबार)
दिउँसो: देशभर सामान्य बदली रही देशका केही स्थानहरुमा वर्षा हुनेछ।
राति: देशभर सामान्य बदली रहि देशका केही स्थानहरुमा वर्षा हुनेछ।