भगवान गौतम बुद्ध एक अन्तरज्ञानी थिए र गुरु पनि । उनले नै बुद्ध धर्मको जग बसालेका हुन् । बुद्ध इसा पूर्व ५६३ को छैठौं शताब्दीमा जन्मिए भने ८० वर्षको उमेरमा इसा पूर्व ४८३ मा उनको निधन भयो । तर, अहिले पनि उनका विचारहरु अजम्बरी बनेर बसेका छन् । यहाँ हामीले उनको एउटा भनाई उल्लेख गरेका छौं । जुन भनाईं तपाईंको लागि पनि उत्प्रेरणाको स्रोत बन्न सक्छ ।

भगवान गौतम बुद्धले भनेका थिए, ‘अहिले तपाईं हामी जे छौं त्यो सबै आफूले जे जस्तो सोचिरहेका छौं त्यसैको परिणाम हो । यदि तपाईंले गलत विचार सोच्नुहुन्छ भने तपाईंलाई दुःख एवं पीडा प्राप्त हुन्छ । तर तपाईंले स्वच्छ र सकारात्मक सोचाई राखेर कुरा गर्नुभयो भने मान्नुस् तपाईंलाई खुशी मिल्छ । यति कुरा बुझ्नुस् की सोच अनुसारको व्यवहार भनेको एकप्रकारको छायाँ जस्तै हो जसले कहिल्यै पनि छाड्दैन ।

बुद्धले यो पनि भनेका थिए, दिमाग नै सबै कुरा हो, तपाईं जे सोच्नुहुन्छ त्यही बन्नु हुन्छ । त्यसैले यदि खुशीपूर्वक बाँच्नु छ भने तपाईं हामीले आफ्नो दिमागलाई राम्रो र दयावान सोचाईले हेर्नुपर्छ । तपाईंले नकारात्मक सोचाईलाइ आत्मसात गर्नुभयो भने त्यसले बिस्तारै तपाईंलाई बर्वादीको बाटोमा पुर्‍याउँछ ।

किनभने तपाईं हामीले जसरी सोच्छौं त्यो सोचाईले नै तपाईं हाम्रो कामलाई असर गर्छ , त्यही अनुसार नै हामीले कर्म गर्छौं र हाम्रो कर्मले नै हामीले के पाउँछौं भन्ने कुरा निर्धारण गर्दछ ।