बलिउड स्टार्स दिशा पटानी र टाइगर श्राफ लामो समयदेखि प्रेम सम्बन्धमा थिए । यही कारण यी दुईको चर्चा भइरहन्थ्यो । यतिसम्म कि, यी दुई प्रायः कार्यक्रममा पनि एकसाथ देखिन्थे ।

भारतीय मिडियाले अहिले भने दिशा र टाइगरको ब्रेकअप भएको खुलासा गरेका छन् । यी दुईले अब अलग हुने निर्णय गरेको भारतीय मिडियाले लेखेका छन् ।

भारतीय मिडियाहरूले स्रोतका हवाला दिँदै लेखेका छन्, टाइगर र दिशा छुटिनुको कारण यी दुईबीच लामो समयदेखि केही कुरामा मतभेद थियो ।

उक्त मतभेदलाई यी दुईले मिलाउने प्रयास पनि गरेका थिए । मतभेद यथावत् रहेपछि दुवैले निर्णय गरेका छन् कि, अब यी दुई प्रेमी प्रेमिकाका रुपमा भन्दा पनि साथीका रुपमा रहनेछन् ।

दिशाले केही समयअघि एक अन्तर्वार्तामा आफूलाई टाइगर मन पर्ने र उनको दिल जित्न निकै मुस्किल भएको बताएकी थिइन् । खासमा दुईको सम्बन्धलाई उनीहरूले मिडियामा स्वीकारेका थिएनन् । तर, दुवै एकदमै नजिक भने थिए । दिशा र टाइगरलाई फिल्म ‘बागी २’ मा पहिलोपटक एकसाथ देखिएका थिए ।