काठमाडौं– केलियन एमबाप्पेले यो सिजनको फेन्च लिगमा सर्वाधिक गोलकर्ता बनेका छन् । शुक्रबार रातिको खेलमा एक गोल गरेसँगै उनको गोल संख्या ३३ पुगेको छ ।
खेलमा उनको टीम भने पराजित भएको छ । फ्रेन्च लिग वान फुटबलमा च्याम्पियन पेरिस सेन्ट जर्मेन (पीएसजी) सिजनको अन्तिम खेलमा पराजित भएको हो ।
पीएसजी रिम्ससंग ३–१ गोल अन्तर पराजित भयो। घरेलु मैदानमा रिम्सका लागि रहमान बाबा,माथ्यु काफारो र पाब्लो चाभारियाले एक एक गोल गरे । पीएसजीका लागि केलियन एमबाप्पेले एक गोल फर्काए ।
यो हारसंगै पीएसजीले ३८ खेलबाट ९१ अंक जोडेर उपाधि उचाल्यो । रिम्स ५५ अंकसहित आठौं स्थानमा रह्यो।
प्रतिक्रिया