काठमाडौं–चर्चित नेपाली गाइड ध्रुब विष्टको सगरमाथा आरोहणका क्रममा मृत्यु भएको छ । आरोहणका क्रममा स्वास्थ्यमा समस्या देखा परेका विष्टको मृत्यु भएको अर्का गाइड लाक्पा नोर्बु शेर्पाले बताए ।
क्याम तीनमा पुगेका विष्टको स्वास्थ्यमा अचानक समस्या आएपछि आधार शिविरतर्फ लगिएको थियो । तर, उनको आधारशिविर नपुग्दै मृत्यु भएको हो ।
पर्वतारोहणका क्षेत्रमा निक्कै नाम कमाएका विष्टको सगरमाथा आरोहण भने पहिलो हो । अन्य हिमालको सफल आरोहण गरेका उनी हिमालय स्की ट्रेक्सको आरोहण दल सदस्यका रुपमा सगरमाथा गएका थिए ।
३३ वर्षका विष्ट कैलालीका हुन् ।
प्रतिक्रिया