रुस– रुसी राष्ट्रपति भ्लादिमिर पुटिनसँग भेटवार्ता गर्न रेलमार्गबाट सुदूरपूर्वी रुसको भ्लादिभोस्तोक शहर पुगेका उत्तर कोरियाली सर्वोच्च नेता किम जोङ उनको रेलले रातो कार्पेट ‘मिस गरेको’ भिडियो अहिले भाइरल भइरहेको छ ।
सर्वोच्च नेता किम चढेको रेलबाट उत्रने बेला किम चढेको रेलका डिब्बा उनलाई स्वागत गर्न ओछ्याइएको रातो कार्पेट कटेर केही अगाडी गयो ।
भ्लादिभोस्तोक रेल स्टेशनमा सर्वोच्च नेता किम चढेको रेल रोकिएपछि उनका सहयोगीले उनलाई ओर्लिन सजिलो होस् भनेर रेलको डिब्बाको ढोकामा र्याम्प राख्न तयार भएका थिए । तर, उनी रहेको डिब्बाको ढोका रातो कार्पेट कटेर केही अघि गएपछि भने र्याम्प कहाँ राख्ने भनेर उनका सहयोगी रनभूल्लमा परेका थिए ।
त्यसपछि उनी चढेको रेललाई केही फिट पछि सारियो र रातो कार्पेट ओछ्याइएको ठाउँमै मिल्नेगरी रोकियो । त्यसपछि उनका सहयोगीले उनी रहेको डिब्बाको ढोका र रातो कार्पेटसँग जोडेर र्याम्प राखे ।
त्यसपछि सर्वोच्च नेता किम रेलबाट कालो ओभरकोट र कालो फिडोरा टोपी लगाएर बाहिर निस्के ।
यस्तो छ भिडियो
#DPRK #Kim’s train pulls up to the station in #Russia and misses the red carpet, confusing the men waiting greatly pic.twitter.com/WM3zSfOzsl
— Strategic Sentinel (@StratSentinel) April 24, 2019
प्रतिक्रिया