कोलम्बो– श्रृङ्खलाबद्ध बम आक्रमणले शोकमा रहेको श्रीलंकामा बिहीबार फेरि अर्को विस्फोट भएको छ ।

राजधानी कोलम्बोभन्दा ४० किलोमिटर पूर्वमा रहेको पुगोडा शहरको मजिस्ट्रेट कोर्टनजिक विस्फोट भएको श्रीलंकाली प्रहरीका प्रवक्ता रुवान गुनसेकराले जनाएका छन् ।

खुला स्थानमा विस्फोट भएकाले कुनै मानवीय क्षति भने नभएको बताइएको छ । प्रहरीले विस्फोटनबारे अनुसन्धान शुरु गरेको गुनसेकराले जनाएका छन् ।

यसैबीच, आइतबार मुलुकका तीन शहरमा भएका विस्फोटमा ज्यान गुमाउनेको सङ्ख्या ३ सय ६० पुगेको प्रहरीले जनाएको छ ।

यसअघि प्रहरीले विस्फोटनमा ज्यान गुमाउनेको सङ्ख्या ३ सय ५९ पुगेको जनाएको थियो ।

उपचारका क्रममा एक घाइतेको ज्यान गएपछि ज्यान गुमाउनेको सङ्ख्या ३ सय ६० पुगेको प्रहरीको भनाइ छ ।