काठमाडौं– अन्तर्राष्ट्रिय मैत्रिपूर्ण फुटबलका लागि कुवेत पुगेको नेपाली फुटबल टोलीले आज (सोमबार) कुवेतसँग आफ्नो दोस्रो खेल खेल्दैछ । पहिलो खेलमा गोलरहित बराबरी खेलेको नेपाल आजको खेलमा सकारात्मक नतिजाको खोजीमा रहनेछ ।

खेल स्थानीय समयअनुसार ९ बजेर १५ मिनेटमा शूरु हुनेछ । खेलको पूर्व सन्ध्यामा नेपालका मुख्य प्रशिक्षक योहान कालिनले कुवेतसँग खेलमा पनि बराबरी खेल्ने लक्ष्य रहेको बताएका छन् ।

कुवेतविरुद्ध खेल्ने शूरुआती ११ को टुङ्गो लागेको छ । आजको खेलमा नेपालको अग्रपङ्तीका भरत खवास र नवयुग श्रेष्ठलाई परिवर्तन गरिएको छ । उनीहरुको स्थानमा आशिष लामा र विमल रानाले स्थान पाएका छन् ।

नेपाली टोली
गोलकिपर : किरण कुमार लिम्बु
डिफेन्डर : विराज महर्जन (कप्तान) , देवेन्द्र तामाङ्, अजित भण्डारी, रञ्जित धिमाल
मिडफिल्डर : रोहित चन्द, बिक्रम लामा, सुजल श्रेष्ठ, सुमन लामा
फरवार्ड : विमल राना, आशिष लामा