काठमाडौं– अन्तराष्ट्रिय मैत्रीपूर्ण फुटबलका लागि कुवेत पुगेको नेपाली फुटबल टोलीले आज (सोमबार) कुवेतसँग आफ्नो दोस्रो खेल खेल्दैछ । पहिलो खेलमा गोलरहित बराबरी खेलेको नेपाल आजको खेलमा सकारात्मक नतिजाको खोजिमा रहनेछ ।
खेल नेपाली समयअनुसार ९ बजेर १५ मिनेटमा शूरु हुनेछ । खेलको पूर्वसन्ध्यामा नेपालका मुख्य प्रशिक्षक योहान कालिनले कुवेतसँग खेलमा पनि बराबरी खेल्ने लक्ष्य रहेको बताएका छन् ।

कुवेतविरुद्धको दोस्रो खेलमा पनि नेपाली टोलीको शूरुआती—११ मा पहिलो खेलकै खेलाडी मैदान उत्रिने सम्भावना रहेको छ । नेपाल भन्दा बलियो टोली कुवेतलाई गोलकिपर किरण कूमार लिम्बुले उत्कृष्ट प्रदर्शन गर्दै बराबरीको नतिजा निकाल्न योगदान दिएका थिए ।

यस्तै, पहिलो मैत्रीपूर्ण खेलमा पाँच जना खेलाडीले डेब्यु गरेका थिए । बिमल राना, अजित भण्डारी, रवि पासवान, सन्तोष तामाङ र सुरज विश्वकर्माले डेब्यु गरेका हुन ।

नेपाली टोली

गोलकिपर : किरण चेम्जोङ, विकेट कुथु र विशाल श्रेष्ठ

डिफेन्डर : रोहित चन्द, अजित भण्डारी, रवि सिलवाल, सुरज विश्वकर्मा, रञ्जित धिमाल , विराज महर्जन, सरोज दाहाल, देबेन्द्र तामाङ

मिडफिल्डर : रवि पासवान, टंक बस्नेत, सन्तोष तामाङ, बिक्रम लामा, बिशाल राई, हेमन गुरुङ, सुजल श्रेष्ठ

फरवार्ड : रन्जन विष्ट, सुमन लामा, भरत खवास, विमल राना, नवयुग श्रेष्ठ, आशिष लामा