काठमाडौं – गायक रामकृष्ण ढकाल र पत्नी निलमको सम्बन्ध विच्छेद भएको खबरलाई लिएर अनेक टिप्पणी भएपछि ढकालले यो खबर गलत भएको बताएका छन् ।

ढकालले डिभोर्स गरेको समाचार विभिन्न मिडियामा आएपछि ढकालले भने यो खबर गलत भएको दाबी गरेका हुन् । यता उनले डिभोर्स गरेको एक पत्र सामाजिक सञ्जालमा समेत भाइरल भएको छ ।

यता गायक ढकालले यो खबर ‘गलत’ भएको बताउँदै सामाजिक सञ्जाल फेसबूकमा एक पोस्ट गरेका छन् । उनले पत्नीसँगको तस्वीर शेयर गर्दै आफ्नो सम्बन्ध सधैभरिका लागि भएको बताएका छन् ।

ढकालले पत्नीसहितको सेल्फी शेयर गर्दै लेखेका छन्, ‘अरुले जेसुकै भनून् तर हाम्रो सम्बन्ध कहिल्यै मर्ने छैन ।’

मिडियामा डिभोर्स गरेको खबर फैलिएपछि केही मिडियामा ढकालले आफूले डिभोर्स नगरेको दाबी गरेका छन् । यता अदालतको पत्रमा भने कागजी डिभोर्स गरेको प्रष्ट छ ।