काठमाडौं- भारतीय गायिका आशा भोस्ले नेपाल आएकी छिन् । साधना कला केन्द्रको निमन्त्रणामा उनी बुधवार नेपाल आएकी हुन् ।

नेपाल आइपुगेकी गायिका भोस्लेले शनिवार संगीतकार रणजीत गजमेरको संगीतमा केही गीत प्रस्तुत गर्ने कार्यक्रम राखिएको छ ।

८० वर्षीया गायिका भोस्लेले नेपाल बसाइको क्रममा लुम्बिनी, पोखरा, मुक्तिनाथलगायत स्थानको पनि भ्रमण गर्ने जनाइएको छ ।

गायिका भोस्लेले ‘यो हो मेरो प्राणभन्दा प्यारो माइतीघर’, ‘म प्यार बेचिदिन्छु’, ‘गैरीखेतको शिरै हान्यो’, ‘मोहनी लाग्ला है’ लगायत थुप्रै नेपाली गीतमा स्वर दिएकी छन् ।

उनलाई विमानस्थलमा लिन साधनाका सञ्चालक मिलन मोक्तान पुगेका थिए । विमानस्थलमा गायिका भोस्लेलाई पञ्चकन्याले हातमा दियो बत्ती बाली स्वागत गरेका थिए ।