काठमाडौं –मछिन्द्र फुटबल क्लबले सहिद स्मारक ए डिभिजन लिगमा फ्रेन्ड्स क्लबलाई पराजित गरेको छ । बुधबार भएको तेस्रो खेलमा फ्रेन्ड्स क्लबलाई ३–० गोल अन्तरले पराजित गर्दै मछिन्द्र लिगको शीर्ष स्थानमा उक्लिएको हो ।

त्रिपुरेश्वरस्थित दशरथ रंगशालामा मछिन्द्रलाई जित दिलाउन पिटर सेगुन, एडिलाजा सोमिडे र रेजिन सुब्बाले समान एक–एक गोल गरे ।
पिटरले २८ औं मिनेटमा, सोमिडेले ५१ औं मिनेटमा र सुब्बाले ८५ औं मिनेटमा गोल गरेका थिए ।

जितसँगै मछिन्द्रले ३ खेलमा ६ अंक जोडेको छ । र, मनाङ मर्स्याङ्दी क्लबलाई गोल अन्तरले पछि पार्दै मछिन्द्र लिगको शीर्ष स्थानमा उक्लिएको हो ।

खेलमा मछिन्द्रका विशाल राई म्यान अफ दि म्याच चुनिए ।

मछिन्द्रले २ खेलमा जित निकाल्दा १ खेलमा बराबरी खेलेको छ भने फ्रेन्ड्सले तीन खेलमै हार व्यहोरेको छ ।