कलकत्ता– भारतको केन्द्रीय सरकारको सत्तारुढ दल भारतीय जनता पार्टी (भाजपा)का स्थानीय नेतामाथि पश्चिम बंगालको करिमनगरमा कुटपिट भएको छ ।
भाजपाको पश्चिम बंगाल राज्यका उपाध्यक्ष जोय प्रकाश मजुम्दरमाथि कुटपिट भएको हो ।
सामाजिक सञ्जालमा भाइरल भइरहेको एउटा भिडियोमा भाजपा नेता मजुम्दरलाई केही व्यक्तिले लात्ताले हानेर झाडीमा फालेको देखिन्छ ।
सोमबार पश्चिम बंगालको करिमनगरमा विधानसभाको रिक्त सिटका लागि उपनिर्वाचन भइरहेको छ । मतदान जारी रहेकै अवस्थामा केही व्यक्तिले उपनिर्वाचनमा विद्यानसभा सदस्यका लागि करिमनगरबाट उम्मेदवार समेत रहेका भाजपा नेतामाथि लात्ता प्रहार गरेका हुन् ।
भाजपाले पश्चिम बंगालको क्षेत्रीय दल तृणमूल कांग्रेसका कार्यकर्ताले मजुम्दरमाथि कुटपिट गरेका बताएको छ ।
प्रहरीले मजुम्दरमाथि कुटपिट गर्ने केहीलाई नियन्त्रणमा लिएको जनाएको छ ।
#WATCH West Bengal BJP Vice President and candidate for Karimpur bypoll, Joy Prakash Majumdar manhandled and kicked allegedly by TMC workers as voting is underway in the constituency. #WestBengal pic.twitter.com/Vpb5s14M5A
— ANI (@ANI) November 25, 2019
प्रतिक्रिया