काठमाडौं– साउदी सरकारले करार अवधिभित्र रोजगारदाता छाडेर अवैध रुपमा बस्ने कामदारलाई पुनः साउदी प्रवेशका लागि आजीवन प्रतिबन्ध लगाउने भएको छ ।

साउदीको अध्यागमन विभागले आप्रवासी कामदारले रोजगारदाता छाडेर अर्को कम्पनीमा काम गर्ने क्रम बढ्न थालेपछि नयाँ नियम जारी गरेको जनाएको छ ।

रोजगारदाता कम्पनी परिवर्तन गर्ने भन्दै भाग्ने विदेशी श्रमिलाई थप ६ महिना जेल र ५० हजार रियाल जरिवाना गर्ने नियम ल्याएको साउदी अध्यागमन विभागले सम्बन्धीत देशका कुटनीतिक नियोगलाई जानकारी गराएको छ ।

रियादस्थित नेपाली दूतावासले पनि साउदीमा कार्यरत नेपाली श्रमिकलाई यो विषयमा सूचनामार्फत जानकारी गराएको छ । रोजगारदाता कम्पनी परिवर्त नगर्ने करार अवधि सकिएपछि पुन स्वदेश फर्कन अपिल गरेको छ । साउदी भित्र बिरामी र अन्य समस्या परेमा सम्पर्क गर्न दूतावासले आग्रह गरेको छ ।