काठमाडौं– १३ औं दक्षिण एसियाली खेलकुद (साग) को अभ्यासमा रहेको पुरुष फुटबल टोलीले आज (सोमबार) दशरथ रंगशलामा अभ्यास गर्दैछ ।

झण्डै ५ बर्षभन्दा लामो समय नेपाली फुटबलको मन्दिरका रुपमा रहेको दशरथ रंगशालाबाट टाढिएको फुटबल सोमबार रंगशाला फर्किँदैछ ।

सागको अभ्यासमा रहेको नेपाली यु–२३ टोलीले आज रंगशालामा अभ्यास गर्न लागेपछि रंगशालामा पुन: फुटबल फर्किन लागेको हो ।

सोमबार दिउँसो २ बजेदेखि ३ बजेसम्म दशरथ रंगशालामा नेपाली टोलीले प्रशिक्षण गर्ने तालिका रहेको मुख्य प्रशिक्षक बाल गोपाल महर्जनले बताएका छन् ।

मर्मत सम्भारको क्रममा रहेको रंगशालालाई २०७२ सालको विनाशकारी भुकम्पले क्षतिग्रस्त बनाएपछि नेपाली फुटबलरका लागि दशरथ रंगशाला बिरानो बन्दै गएको थियो ।